informAbano & Montegrotto, Periodico indipendente delle Terme Euganee, al servizio dei cittadini di Abano Terme e Montegrotto. Utilizza il nostro Sportello gratuito del consumatore per ottenere informazioni e suggerimenti di qualsiasi tipo, o visita le nostre sezioni tematiche.
Ghe zè qualcuno che pensa che semo tuti mona! Alora sto quà el gà da meterse in testa che se el pensa de esere el più furbo de tuti el se sbaglia de grosso. Prima ghe gera ‘na serie de figuri che i gà fato disastri sul comune e i se dava a la pazza gioia co’ l’auto blu e i ocopass a la faccia de la zente. Adeso sul comune ghe ze questo quà che gavemo ciamà “el segretario politico”. Adesso el comada lu e firma ‘sti comisari, che no i sà o pararia che no’ sapia gnente... mah!. Anca se LU el lo dise “l’aministrassion son mi”. E alora noialtri gavemo da crederghe. Se el comanda lu el fa queo che el voe. PAR MI SARIA DA MARDARLO VIA A PEADE SUL CULO! E parchè saria da mandarlo via? Presto deto e presto fato ve spiego in poche e ciare parole. Sto figuro el ze arivà quà gnanca un ano fà ciamà dai figuri che gavemo dito prima. LU EL CIAPA 107.000,00 EURI A L’ANO ! Si si te ghe capio ben Toni 107.000 euri a l’ano! Ala faccia del risparmio!!! El gira anca lu co’ l’auto blu dove che ghe pare senza dar conto a nessun, anzi el va a lavorar anca su ‘naltra parte (autorizato da chi che ghè gà dito lu de farse autorizare...) senza nesun controlo. El se sente un picolo ditattorelo, el gà proibio ai dipendenti del comune de parlare coi gionalisti... LU EL SE PAGA COME UN NABABBO viaggi de quà viaggi de là(el gà parfin do ufici su la villa Bassi parchè no’l ghe bastava uno ...). Ti te si mato toso! VERGOGNA!!! E ancora più vergogna quando che i se mete a parlar de urbanistica che saria ‘na materia de STRAORDINARIA AMINISTRASSION che gà da votare el Consiglio comunale in carica e NO UN COMISARIO che el gà da fare solamente l’ORDINARIA AMINISTRASSION. Ma questi quà prima i gà dito che i fa l’ordinaria aministrassion come saria creanza e dopo (forse consigliatti dal “segretario polittico”) i se gà dito “già che semo quà... mejo profitarghene..”. A mi me pare che impegnar 10.000.000 de euri pubblici de tuti noialtri no’ ze nè coreto ne giusto!
ARIVERA’ ANCA STE BENEDETE ELESSION ... Ma queo che me preocupa ze che gavaremo da rimediarghe ai danni che farà questi quà ...... A la prosima .....
