Moemoghea ! No ghe ze certo bisogno de naltro comisario che no’ sa gnente de Abano, che el stà sentà su la carega a spetar che ‘riva le elession e intanto i problemi no’ se risolve miga. De comisari ghe ne gavemo vui anca massa.
Gavemo un sindaco che gà vinto pulito le elession. Forse el darà fastidio a qualchedun de sti barufanti, ma no ze certo giusto esere votà dai tantisimi citadini e dover rinunciar a far quelo che el gaveva promesso in campagna eletorale.
Solo perdita de tempo e tanti schei dei citadini butai par aria. Vergogna!
Se dovesimo tornar a votar, mi digo che la zente i lo votaria ancora de più.. Scolteme mi e dopo me dirè...
Anca sto ano ze drio a finire e ne gavemo viste tante... Spero par tuti che l’ano che vien no ‘l sia come che i dise..
Mah! Sempre avanti e tegnemo bota
come che dise el nostro sindaco.
Auguri a tuti
