PROVERBI VENETI

PROVERBI VENETI

A cura di Aldo Francisci

 

A caminare a stravento se fa senpre fadiga.

A chi carne de testa e a chi de colo.

A dire busie ghe vole bona memoria.

A dire la verità ghe vole on cojon, a dire busie ghe vole on bricon. A far credenza se perde l’aventore.

A far la carità no se va in miseria.

A lavarghe la testa al molton, se consuma l’aqua e anca el saon. A on belo senpre ghe manca, a on bruto senpre ghe vanza.

A pensar mal se fa pecà, ma se indovina senpre.

A parlare se fa presto: pì difìzile xe el resto.

A quatro a quatro se inpinisse el saco.

A quel che vien da sóra no ghe xe riparo.

A robare poco se va in galera, a robare tanto se fa cariera.

A sentarse so do careghe el culo se sbrega.

A vìvare co la testa sol saco xe bon ogni macaco.

Al cao de là fa la pitona.

Al ciaro de luse ogni stronzo traluse.

Amore fa amore, cativeria fa cativeria

Anca i cojuni magna el pan.